Shkendija - Pobeda

Në Tetovë pritet me
padurim derbi me Pobedën

Shkëndija do të luftojë për fitore

Vullnet DAUTI
Tetovë, 22 maj - Ndeshja e ditës së diel midis Shkëndijës dhe Pobedës ka zgjuar kërshërinë e tifozëve tetovarë, të cilët me padurim e presin këtë takim, pasi që titulli kampion do të vendoset në Tetovë. Kapiteni dhe portieri Armend Elezi deklaroi se ata do të shikojnë vetëm punën e tyre dhe nuk iu interesojnë skuadrat tjera. "Do të angazhomi me të gjitha forcat që të arrijmë fitore. Ne kemi punën tonë dhe nuk na interesojnë skuadrat tjera. Dihet se titulli kampion vendoset në Tetovë, pasi që në garë janë Rabotniçki dhe Pobeda. Ne kemi vetëm një opsion e ajo është fitorja, për shkak se gjasat për t'i ikur barazhit ende janë në lojë", tha Elezi. Skuadra e Bashkimit dhe Sileksit do të kenë kundërshtar të papërshtatshëm në fushat e tyre. Në Kumanovë do të udhëtojë skuadra e Vardarit, ndërsa në Kratovë Sileksi e pret Pelisterin. "Konkurrentët tanë kanë punë me kundërshtar të fortë. Kemi shpresë se do të mund të rrëshqasin, por këtë do ta shohim në ndeshjet e ardhshme", u shpreh Elezi. Në rast se skuadra e Shkëndija'79 do të pësojë humbje, atëherë do të luaj në ndeshjen e barazhit, ndërsa kandidat i mundshëm është Teteksi.

Barazh - Shkendija - Teteks.. Ma mer mendja se da blejn lojen kuptohet! papa!